Chateau Musar 2000 Wine Tasting ✍️
今個復活節其實飲左十支酒都有，但我竟然又重複犯錯，忘記左影相... 相信我，我下次一定會記得影相📸️再分享比大家
Chateau Musar 2000其實算係我人生中第二次飲，前一次好似都成2年前啦，老實講，真係忘記哂。
成日網上都吹呢支Musar 係黎巴嫩🇱🇧Lafite，等我今日用文字形容比大家聽呢✌️究竟係咪似Lafite ？😈
首先，一打開支酒，個Cork 保存得好好，無煤味。然後等一等，我就倒落去Decanter。試一試先，睇下支酒有冇壞到，一飲，嗯！😮無壞不過完全未飲得，好似凍肉味🎃，非常Gamey。
之後大約Decant 左一個鐘再試，都係未得，D味好似鎖住左咁，明顯未出哂。之後再等多一個半鐘，Total 2個半鐘。
先Smell 支味先，發覺泥土味，磨菇味，動物Gamey味，肉桂味，腰果味，焦糖味。乾果味其實都唔多，但明顯地已經無咩果味，反而花香味幾出，Rose 🌹，紫羅蘭🌺等等。
好啦，試飲下，其實同嗅係差唔多，但酒味好硬淨，單寧好薄，酸度都唔高，但味道好濃烈，簡單來講，老酒既代表，鐘意老酒既酒友們會覺得呢支性價比極高，$350，飲到咁既質素。唔鐘意老酒既朋友，會覺得呢支野搞咩搞邊科，鐘唔鐘意飲真係見人見智。但呢支我覺得係支Good Wine ，有齊哂一支靚酒要有既野，略嫌Gamey 動物味同泥土味重手左d ，同個酒體唔夠Balance。
咁似唔似Lafite????🤔 Er........ 個人覺得差得都幾遠，因為上面講左，果香其實無咩，Lafite 著重個乾果味，然後Musar 獨有既泥土味同Gamey 味都非常唔同，唯一似既係兩支都需要陳年先飲得😜
利申：全屬個人意見，同Wine Casa HK 完全無關
Comments