【🧐究竟你應唔應該追國際酒評家的評酒分數黎飲酒❓🔥】
🧸首先，今日講既意見只係我地自己既意見，大家可作參考就算啦，不要太深究，帶定頭盔先。國際既酒評家其實都有好多個，例如:比較有名的是Robert Parker，James Suckling，James Halliday，Wine Enthusiast，Wine Spectator，Jancis Robinson，Decanter等等。的確，好多靚酒都會係佢地手上拎到好好既分數，今日呢，就唔係講咁多位酒評家既評分系統，而係作為紅酒愛好者既我地，究竟應唔應該追國際酒評家既評分分數黎飲呢❓😌
係度，我個人認為係唔應該既❌，不過我都想表達一下個立場先，可能你即刻會有疑問，唔通酒評家評支酒90分會比80分為差咩‼️你都講經既，等等先，所以咪話比我講左個立場先。的確，從客觀標準而言，80分的確會比90分為差❣️，呢個係個不可爭論既事實。但我自己覺得從酒評家黎講個分界線會在於90分同95分，90分或以上既酒同95分或以上既酒其實酒體既質素唔會太大分別。舉個例子，同一支波爾多法國酒係酒評家拎94分同90分，其實本質上分別唔會好大，但可能你追求靚年份，你追求多4分，但價錢就會相差好多啦!🥰
😚如果一間酒莊可以好穩定地係各酒評家手上拎到90分或以上，其實已經代表著該酒莊有一定質素，但可能大家會覺得差1-3分差好遠，一定要飲至少94分既，咁我都無話可說。但其實大家更加可以去試唔同年份或者可能比較無咁靚既年份，睇下酒莊既釀酒師點拯救支葡萄酒。
🤓追唔追分數黎飲，其實真係個好大既Topic。另一個想探討既Point係中伏位，大家或多或少一定會試過明明酒評家比呢支葡萄酒95分，嘩大佬呀，完全唔值呀，仲要比咁既價錢。酒莊門面野唔係今日探討既Topic，但呢樣真係要Keep in mind，酒評家評酒係評支酒好唔好，但唔係評好唔好飲，呢個係好多酒友會搞錯既地方。好唔好飲係主觀既，我覺得好飲，你唔鐘意呢個葡萄品種，覺得唔好飲。但好唔好就係好客觀既，支酒複雜度，果味，平衡度，酒體，陳年能力等等，同埋本身酒評家自己既偏好等等。
‼️師兄，如果我今日唔睇酒評家去飲酒，咁點揀酒先? 我建議首先係揀左產區先，然後揀酒莊，最後睇酒評，酒評唔會呃人，你想飲咩類型既葡萄酒，最好就係睇酒評，去了解個風格，不過最重要當然係了解酒莊氣候，釀酒既方法，支酒點解會咁變化，當然呢一步就係另一層次既野啦~~
🎉希望大家日後唔會盲目咁去追酒評家既分數去飲酒，作為參考咪算，得一分，少一分，真係唔係咁重要既，都希望呢篇文章可以幫到你Wine Tasting la 。
Comentários