【Wine Tasting: Louis M Martini Napa Valley 2017 】 (WS:91) (JS: 92)

好耐無咩點飲酒，一黎自己呢排身體唔係咁好，成日都病病地，二黎又比較忙，難得琴晚同朋友吹水，咁就試下呢支來自美國🇺🇸Napa Valley 的Louis M Martini酒莊。

葡萄🍇採摘來自Napa Valley 的四個不同Vineyards，Cypress Ranch Vineyard, Sun Lake, Sage Canyon，16個月法國🇫🇷和美國🇺🇸木桶（29% New)，背景資料就係咁多先。

未打開支酒前，其實都充滿期待😚，因為想知道酒莊會係一貫Napa Valley 出產葡萄酒既固有印象會有咩變化。大家都知道美國🇺🇸酒特別係Napa Valley 釀造既酒🍷，都好大隻，好厚實，就好似Agua Man 咁，線條都好大條。

咁一打開支酒，倒左少少出黎，第一☝️感覺係好鬼香，朋友直頭話係噴左古龍水咁，個紫羅蘭

🌺花香味非常香濃，帶有點黑漿果🫐，黑加侖子。入口都有一貫美國🇺🇸酒既特色，不過就要等一等，大約開左一個鐘，先走左D草青味，入口會覺得順滑。

鐘意大隻佬💪Agua Man 既朋友自然會喜歡💕呢支酒，不過美中不足既係可能🤔落新木桶時間唔係太長，未必可以提升支酒既感覺，同埋特色欠奉，你未必會感覺到呢支酒同其他美國🇺🇸酒既分別係邊，不過都不失為一支典型的美國🇺🇸Napa Valley 紅酒既，同朋友吹水飲一流。